خليك شجاع

" خليك شجاع فى تحقيق هدفك ! "

◀ كتير بيكون عندك هدف وخطة .. بس للأسف مبتمتلكش شجاعة_التنفيذ ! .. دى ،

الشجاعة الل تخليك رغم ( إحباط الماضى) تبدأ وانت واثق من نجاحك .

الشجاعة الل تخليك رغم ( اى سلبيات حواليك) تحاول مرة و 2 وألف . 

الشجاعة الل تقويك (تعمل الل عليك ) حتى لو كل الل حواليك مقصرين .

كلنا محتاجين نمتلك الشجاعة دى عشان نحقق أهدافنا 👍 

●لو سألت اى حد حقق نجاح كبير !

○ هيقلك : " كانت عندى الشجاعة انى اعمل الصح حتى لو كله غلط .. انى ممشيش مع التيار ! .. انى اكمل وميأسش لحد ما أوصل ! 

__________________________ 

🔰 طب_ازاي_أكون_شجاع ؟ 💪📚

1- حدد_هدفك 📊

- لازم يكون عندك هدف بتسعي ليه 

- لازم يكون عندك هدف عشان تقوي نفسك بيه

2- ما_تستلمش ❌

- عود نفسك إن اليأس مش هيوصلك غير ليأس تاني 

- كل الناجحين لو كانو استسلمو للحظات اليأس والإحباط اللي مرو بيها مكانوش هيحققو أي نجاح !

🌼طبيعي عشان توصل لهدفك لازم تتبهدل ويطلع عينك عشان تحس بطعم النجاح .

3- اوعي_تقارن_نفسك_بحد 🚫

نفسك متقارنهاش بحد .. انت مش زيهم انت مميز عنهم 💪

4- حول_السلبيات_لإيجابيات 👍

-متتأثرش بكلام حد وتيأس لمجرد انه قالك انك مش هتقدر توصل لحلمك .. خلي كلامه حافز ليك توصل لحلمك ..

● خليك فاكر ان اللحظة اللي بتعدي ما بترجعش . 

● خليك فاكر انك طول مابتسعي وبتقول يارب ربنا هيقف جمبك ويساعدك مهما حصل . 

_____________________

🌸 عشاان_تتخلص_من_اى_خووف :

لازم تنفذ 3 حجات : 

1-اعترف 

2-اتعرف 

3-جرب

👈 اعترف لنفسك انك خايف 

👈 اتعرف علي الحاجات اللي بتخوفك 

👈 جرب بنفسك وحاول وهتنجح ✊

◀ لو خايف لتفشل جرب شوف هتفشل ولا لاء ولو فشلت مرة جرب تاني وتالت لحد ما تنجح ✔

🌸سيدنا موسي ( اعترف) انه خايف ، بعدين (اتعرف ) هو خايف من ايه بعدين ( واجه ) فراح لفرعون .

خليك شجاع فى تحقيق هدفك. متبقاش زيهم انت مختلف .

اتمسك بهدفك وحاول لآخر لحظة . واجه مخاوفك وكسرها . بس متسمحلهاش انها تكسرك 🚫💪 ..

" افعل الشيء الصحيح دائما فإن هذا سيجعل البعض ممتنا بينما سيندهش الباقون "

خليك_شجاع ✊