رسالة 3 ثانوية عامة

رسالة .. 

سواء كنت بتدرس او بتمتحن دلوقتي او لأ 

-------------------------------------

لو لسه 3 ساعات على امتحانك و مفتحتش صفحة .. هتلحق !

-------------

لو لسه 3 ايام على امتحانك و عندك 3000 صفحة .. هتلحق ! و تقدر تعدي و ترتب كمان !

---------------

لو معندكش ولا درجة في العملي و لسه متعرفش حرف .. و الامتحان بكره .. هتلحق و تنجح برده بس حاول بقلبك ده الخوف و الايمان بيعملوا كل حاجه .. 

---------------------

لو مخنوق اقفل اللي في ايدك و افصل صح .. 

لو قررت انك تخرج و تتفسح وسط امتحانتك اخرج صح مش تضيعه في البيت و لو قررت تذاكر ذاكر صح و اقفل كل وسائل الاتصال .. 

--------------------

لو انت في كليه غلط او مكان غلطط او عايز تحول او تعمل شفت كارير .. او شغال شغلانه تانيه مكفياك عن اللي بتدرسه .. لازم برده تكمل اللي انت فيه و تنجح و تخلص علشان تركز في اللي بتحبه .. (بيقولك لو انت في الوحل او الطين يعني.. افضل حاجه انك تخلص الحته دي و تمر مش تقف تستنى طيارة تيجي تشيلك :D) او انك تغير الجزمة مثلا 

حتى لو انت اتقبلت في مكانن تاني خلص اللي انت فيه 🙂

------------------------

استمتع .. استمتع و ساعد غيرك مهما كان الوقت عندك ضيق ..ده اللي هيبقى باق ليك .. و ربنا هييسرها عليك

----------------------

الدراسة و اللي بتعمله دلوقتي في حياتك ولا ليه اي معنى .. لو انت مفهمتش الدروس منه صح .. هتبقى غشيم برده و هتاخد كل قفا و التاني وقت ما تخلص و تفوق على امتحانات كده بعد ما الوقت يجري منك .. 

لازم تتعلم صح من المواقف اللي انت فيها . لازم تعرف ان مش بكتر الوقت لأن بالكفاءة زي اخر ساعتين قبل االمتحان بتلم فيهم قد اللي عملته في يومين .. 

مثلا .. اعكس ده بقى على باق حياتك و املاها اهداف و اشتغل 

------------------------

متضيعش اللي تحت رجلك و علشان منتظر مستقبلك فمش هتعرف تعيش حياك ولا هتطول اللي جاي 

------------------

نصائح في المذاكره .. 

التكرار مهم و لو بكفاءة قليله جدا افضل من مذاكره مره واحده بضمير 😀 يعني لم الماده كلها في ربع ساعه اعرف العناوين و بتتكلم عن ايه و بتذاكرها ازاي و الامتحان بيتكلم عن ايه .. 

ذاكرها مره تانيه في ساعه العناوين الرئيسيه يعني الماده متقسمه لجزء نظري عباره عن 1 2 3 و جزء مسائل فيه القانونين دول و هكذا 

مره تالته بقى تلم الحاجات اللي في النص و خد فيها راحتك و الحاجات الرخمه .. 

----------------------

اعمل اللي يريحك اذا كان تطبق او تصحى .. تاكل او تشرب براحتك .مفيش انسان زي التاني و مش وقت تغيير عادات و تسمع نصايح و تجرب يوم الامتحان ..

------------------

انجز متضيعش وقت كتير و تنح او تقول مش هقدر او نفسيتي ضايعه .. 

فكك من كل حاجه و انجز مش وقت تسمع للأنا .. خلص بس و انت هتفوق مهو سنه من العمر تكررها تاني في الشت ده مش قليل .. 

------------------------

في النهاية . اياك ثم اياك تيجي على اللي حواليك و حبايبك و اصحابك او تزعلهم بطريقتك او اسلوبك العدواني لمجرد انك مضغوط لأن هما اللي باقيين و الامتحانات هتروح .. 

--------------------------

95 % من اللي بيذاكر و درسوا اي دراسة درسوا حاجه مش بيحبوها و حاليا شغالين في حاجه تانيه برده مش بيحبوها .. فأنت مش اول واحد ولا اخر واحد يذاكر الهباب اللي في ايدك ..

المهم انجز و اول ما تخلص فكر صح انت عايز تعمل ايه في الحياة و تضيفلها ايه ؟!

و تدور على اللي بتحبه و تبدأ فيه حتى قبل ما تخلص الدراسة بس متضيعش وقت الامتحانات ..

ليلة_الامتحان ذاكر امتحانات